BNG chama a se mobilizar contra o acordo para expulsar as persoas refuxiadas

Macedonia

SOCIAL | A frente nacionalista propón tamén retirar as bandeiras da UE das institucións públicas en sinal de protesta polo acordo con Turquía. O alcalde Miguel Fernández Lores foi o primeiro en arriar a bandeira europea no Concello de Pontevedra. Ana Pontón denunciou as políticas imperialistas que provocan este drama.

A Portavoz Nacional do BNG, Ana Pontón, fixo un apelo ao pobo galego para participar nas mobilizacións previstas para esta semana (cuarta feira, 16 de marzo) e a vindeira  en defensa dun “trato humanitario e xusto” aos refuxiados e refuxiadas .

A dirixente nacionalista cualificou de indigno o comportamento da UE coas persoas refuxiadas e a afirmou que  a Unión Europea está a vulnerar os dereitos humanos e a legalidade internacional, para alén de propiciar o auxe de políticas xenófobas e racistas no conxunto de Europa. Neste sentido, anunciou que o BNG proporá “en sinal de repulsa e  como acto simbólico”  a retirada de  todas as bandeiras da Unión Europea das institucións e edificios públicos.

De facto, algúns concellos comezaron xa a arriar as bandeiras da UE. O primeiro en o facer foi o de Pontevedra da man do seu alcalde, o nacionalista Miguel Fernández Lores. Tamén o da Coruña baixou a bandeira, atendendo así a petición feita o día anterior pola concelleira do BNG Avia Veira. O Bloque Nacionalista Galego levou esta proposta tamén ao outros concellos galegos.

Ana Pontón considerou que a retirada das bandeiras da U.E é unha medida máis de presión frente a unha política que vulnera a legalidade mais tamén “a xustiza, a humanidade e os valores que deben impregnar  calquera sociedade democrática”. “As políticas imperialistas dos países da propia Unión Europea e de EE.UU -recalcou a deputada- arrasan poboacións enteiras e provocan un drama humano inaceptábel á altura do século XXI”.

Pola súa parte, o Grupo Parlamentar do BNG mantén nos seus escanos un cartaz co lema “Non ao acordo da Unión Europea e Turquía para expulsar as persoas refuxiadas”.

As mobilizacións previstas na cuarta feira son as seguintes:

  • A Coruña, 20h diante do Obelisco
  • Ferrol, 20h diante da sede da Xunta da Galiza
  • Compostela, 20h na Praza do Toural
  • Burela, 20h diante do Concello
  • Viveiro, 20h diante do Concello
  • Lugo, 20h na Subdelegación do Goberno
  • Ourense, 19:30h na Subdelegación do Goberno
  • Vilagarcía de Arousa, 20h na Praza da Galiza
  • Vigo, 20h diante do MARCO
  • Pontevedra, manifestación, 20h desde a Peregrina até a Subdelegación do Goberno
Anúncios

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google+ photo

Está a comentar usando a sua conta Google+ Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

w

Connecting to %s