BNG reclama soberanía na homenaxe aos Mártires da Liberdade

O Bloque Nacionalista Galega realizou esta segunda feira un acto homenaxe aos Mártires de Carral coa presenza do deputado do BNG no Congreso, Néstor Rego e a responsábel comarcal do BNG da Coruña, Vitoria Louro. A formación nacionalista conmemorou a revolución galega de 1846, encabezado por Solís e Faraldo, e chamou a Galiza a se “levantar da súa humillación e abatemento” como nesa altura fixeran os revolucionarios, o que hoxe en día significa reclamar a soberanía do noso País para sermos capaces de aproveitar as súas inmensas potencialidades e construír unha nova Galiza de progreso, benestar e liberdade.

O levantamento de 1846 daría orixe á primeira expresión de defensa da Galiza como País, baixo o movemento político e social denominado provincialismo- que a día de hoxe encarna o nacionalismo galego- produciuse como reacción ao centralismo e, particularmente, a eliminación do Reino da Galiza promovida polo liberalismo a partir de 1833. Mais tamén ao que os propios provincialistas de Antolín Faraldo denominaban “prostración da Galiza” como consecuencia de políticas económicas que a mantiñan na “humillación e abatemento” e que non lle permitían desenvolver as súas potencialidades e que provocaba, de forma moi visíbel, a “lacra da emigración que aínda continuamos a padecer”.

Homenaxe aos Mártires de CarralDesde a perspectiva do BNG “defender hoxe a memoria dos Mártires de Carral, da Revolución Galega de 1846, é defender a capacidade da Galiza para decidir por si propia o seu futuro”. “Podemos constatar como, a pesar do tempo transcorrido e das mudanzas que tamén se teñen producido, no esencial continúa sendo necesario denunciar as consecuencias do centralismo na Galiza que levan consigo espolio económico, dos nosos recursos naturais, da nosa enerxía, do noso aforro” apuntou o deputado do BNG no Congreso, Néstor Rego.

 “Segue sendo necesario denunciar a crise industrial e económica que está a provocar unha nova vaga migratoria moi potente con máis de 300.000 persoas que tiveron que marchar da Galiza nos últimos anos, especialmente mozos e mozas ben formadas” subliñou Rego durante a intervención. Polo tanto, para o deputado “é preciso reclamar un cambio de modelo que leve que Galiza se goberne por si propia ao igual que aconteceu nese mes de abril de 1846, cun goberno galego que quixo actuar en función dos intereses da Galiza e das clases populares”.

Néstor Rego enfatizou a necesidade de superar o marco autonómico cun novo status que recoñeza a Galiza como nación e a súa capacidade de decidir e no inmediato reclamar todas as competencias que legalmente ten recoñecidas no Estatuto que, polo desinterese das forzas estatais, “continúan sen seren asumidas”.

En todo caso, o deputado do BNG salientou que Galiza non verá frutificar todas as súas potencialidades que permitan mellorar a calidade de vida e o benestar de todos os galegos e galegas sen ver recoñecido o exercicio pleno da soberanía para poder decidir sen cortapisas o seu futuro.

Deixe uma Resposta

Preencha os seus detalhes abaixo ou clique num ícone para iniciar sessão:

Logótipo da WordPress.com

Está a comentar usando a sua conta WordPress.com Terminar Sessão /  Alterar )

Google photo

Está a comentar usando a sua conta Google Terminar Sessão /  Alterar )

Imagem do Twitter

Está a comentar usando a sua conta Twitter Terminar Sessão /  Alterar )

Facebook photo

Está a comentar usando a sua conta Facebook Terminar Sessão /  Alterar )

Connecting to %s